Håkon Hemmer - Hallingline | Noreg

I framsyninga Hallingline kombinerer Håkon Hemmer hallingdans med balansekunst på strak line. Håkon har bakgrunn frå nysirkus, parkour og dans, og er sterkt fascinert av hallingdansen si kraft og uttrykk. Vi kan love at dette blir ei spennande framsyning.

Håkon Hemmer frå Oslo er sirkusartist med linedans som disiplin. Etter mange hyperaktive år med breakdans, taekwondo og parkour, fann Håkon Hemmer endeleg ein ‘litt’ rolegare aktivitet, nemleg linedans. Då han starta med linedans, byrja han å dyrke det han sjølv kallar forståing av indre fred. - Eg vart interessert i hallingdans  fordi eg såg mange likskapar med sirkus, og såg umiddelbart moglegheita til å blande hallingdans og linedans.

Hemmer innsåg fort at hallingdans handlar om mykje meir enn å vise akrobatisk dans til felemusikk. Hallingdans har stor kulturell og historisk betydning i Noreg, og er ein fantastisk uttrykksmåte. Han bestemte seg for å gjere eit grundig arbeid med å fusjonere hallingen og linedansen, og resultatet er framsyninga Hallingline.

For born som har lyst til å prøve seg på strak line, held Håkon Sirkushalling-kurs fredag ettermiddag.

Håkon Hemmer – strak line