FØRDEFESTIVALEN
TEK MILJØ-ANSVAR

Førdefestivalen tek miljø på alvor, og har sidan 2013 vore Miljøfyrtårn.

I Førdefestivalen sin strategiplan for 2025-2028 står det i pkt 5 om BEREKRAFT at vi skal:

• Forankre festivalen sin berekraftsmål i alt frå logistikk til matservering og avfallshandtering.

• Synleggjere Miljøfyrtårn-sertifisering og miljøtiltak i kommunikasjonen.

• Inspirere og legge press på samarbeidspartane og leverandørane våre om å ta klima og miljøspørsmål på alvor.

Som Miljøfyrtårn tek Førdefestivalen miljøomsyn på alle område i festivalverksemda: arbeidsmiljø, søppelhandtering, energibruk, transport, innkjøp og estetikk. Målet vårt er å innfri bransjekrava som ligg i Miljøfyrtårn-sertifikatet, og vise at vi møter miljøproblema på ein aktiv måte.

Her er stikkord for miljøfokuset vårt:

  • Vi reduserer produksjon av trykksaker, og det vi trykker vert levert av trykkeri som er miljømerka.Vi kjeldesorterer på alle arenaer.

  • Vi nyttar festival- og sponsorbanner i fleire år, og ved utskifting, vert gamle banner leverte til  andre aktørar for produksjon av berenett, bagar eller andre produkt.

  • Verken festivalen eller festivalen sine sponsorar deler ut strøartiklar.

  • Vi reduserer innkjøp av vassflasker til artistar og frivillige. Alle vert oppmoda om å ha si eiga flaske og fylle vatn frå springen.

  • Vi ønskjer å redusere forbruket, og tilbyr publikum å trykke sine eigne festival-t-skjorter

  • Vi tilbyr festivalsyklar til frivillige og publikum.

  • Vi brukar ikkje eingongsplast på frivillig-kjøkenet.

  • Vi brukar elbilar.

  • Busstransport t/r Førdehuset er inkludert i billettar til konsertar utanfor Førde.

  • Vi har avfallssortering på alle arrangement. Sorteringa er godt merka og lett tilgjengeleg for publikum.