VÅG- Noreg

Kva vil det seie å vere ein ven?  

Våg er ei framsyning som handlar om venskap. Framsyninga tek opp ting som ofte oppstår i ein nær relasjon: identitet, konflikt, fellesskap, kommunikasjon, samarbeid. Med humor, leik og alvor følgjer vi Jon og Håkon sitt venskap gjennom oppturar og nedturar.  

Korleis kan vi vise nærleik til kvarandre i ei verd der vi kjem stadig lenger frå kvarandre? Vågar vi å stille opp for kvarandre, eller stengjer vi oss inn i oss sjølve? 

Våg er både musikk og scenekunst – ei spektakulær framsyning som begeistrar, utfordrar og kan skape ettertanke.  

Vågar du?  

Passar for barn i skulealder, familiar og vaksne.