Samurai Accordion
Melodiøst og meisterleg!
Riccardo Tesi, Simone Bottasso, Markku Lepistö og David Munnelly er fire av verdas meistrar på diatonisk trekkspel. I SAMURAI møtest dei for å leike seg med musikksjangrar - og skape musikk-kunst. Italiensk, finsk og Irsk, folkemusikk, jazz og filmmusikk - alt smeltar saman til eit melodiøs og briljant uttrykk som smyg seg lett under huda på deg.
Ved å ta i bruk det imaginære japanske univers, har SAMURAI lukkast med å kombinere ei rekkje stilartar for å skape ei tøff og uttrykkeleg musikkoppleving. SAMURAI inviterer til intim atmosfære og/eller vill dansing: Desse musikarane har ei imponerande liste med referansar som gjev håp om ei konsertoppleving heilt i særklasse. Slik var det sist dei spelte i Førde, då også i Teatersalen. Vi plar ikkje forskottere og garantere, men denne konserten kan vi tilrå på det aller varmaste.
Simone Bottasso
Markku Lepistö
David Munnelly
Riccardo Tesi