Talent 2017 - Cuba / Colombia / Norge
Foto frå talentkonserten på Førdefestialen 2016. Foto: Arve Ullebø
Internasjonalt talentprosjekt
Kvart år samlast unge talentfulle musikarar frå Norge og to andre land til to vekeslange verkstadar. Den første verkstaden skjer i samband med Førdefestivalen, den andre i eitt av dei andre landa som er i prosjektet. Med talentprosjektet ønskjer festivalen å gje unge musikarar høve til å utvikle seg sjølv i møtet med andre musikktradisjonar.
Talentprosjektet er eit samarbeid mellom Førdefestivalen og Kulturtanken, og vert støtta av Utanriksdepartementet.
I år kjem dei ni unge musikarane i talenprosjektet frå Cuba, Colombia og Norge.
Musikalske leiarar er: Sverre Indris Joner og Hilde Fjerdingøy
Frå CUBA:
ANNIE GARCÉS SANTANA - vokal, fløyte
JOSÉ MANUEL ORDÁS MESA - gitar, musikalsk leiar
EVELYN GARCÍA HERNÁNDEZ - 12-strengs gitar (laud)
Frå COLOMBIA:
SEBASTIAN SEPULVEDA GOMEZ - trekkspel
JESUS ELIAS ACUNA OSPINO - caja, bass, gitar, trekkspel
JUAN DAVID ATENCIA BERRIO - vokal, trekkspel
Frå NORGE:
ASTRID GARMO – fele, hardingfele, vokal, gitar
EMIL HORSTAD – trekkspel med meir
RASMUS KJORSTAD – fele
Musikalske leiarar:
Sverre Indris Joner, er pianist, komponist, arrangør, orkesterleiar m.m. med formelle musikkstudier frå Universitetet i Oslo og tallause reiser og studioopphald i Latin-Amerika. Han er som eit unikum å rekne når det gjeld latinamerikansk musikk og har stifta: Hovedøen Social Club, Electrocutango, La Descarga, Tango for 3, m.fl.
Hilde Fjerdingøy, er ein av dei leiande på toradar i Norge, og har master i nordisk folkemusikk. Ho spelar folkemusikk frå ulike tradisjonar i Norden, men har fordjupa seg i musikken frå heimtraktne på Helgeland. Fjerdingøy er med i to norsk-svenske konstellasjonar: Fjerdingøy & Andersson (plateaktuell) og Rim.