Med duoen Catrin Finch og Seckou Keita har festivalen sikra seg to at dei heitaste namna på den internasjonale verdsmusikkscena. Keita er griot med røter til store musikarslekter både i Mali og Senegal, og ein av dei fremste utøvarane på den vestafrikanske harpa, kora. Finch er harpe-dronninga i Wales, der harpa er det mest walisiske av alle instrument. 

Med stor tryggleik byggjer Natacha Atlas musikalske bruer ved å blande arabiske melodiar og instrument med vestlege rytmar og harmoniar.