Talentfullt treff under Storehesten

Tirsdag kveld hadde årets talent si første øving. Dei møttest på Rytne gard kor det vart mat, småprat og bogeskyting før den seriøse jamminga sette i gang. Gjennom veggane på den gamle låven på Rytne, kunne ein høyre starten på eit nytt internasjonalt musikalsk eventyr frå Kenya, Malawi og Norge.   

Talentprosjektet er eit samarbeid mellom Førdefestivalen og Rikskonsertane. Kvart år samlast unge talentfulle musikarar frå Norge og to andre land til to vekeslange verkstadar. Den første verkstaden skjer i samband med Førdefestivalen, den andre i eitt av dei andre landa som er representerte i prosjektet. Med talentprosjektet ønskjer festivalen å gje unge musikarar høve til å utvikle seg sjølv i møtet med andre musikktradisjonar.

I år kjem talent-deltakarane frå Kenya, Malawi og Norge. 

Norske deltakarar er alle studentar ved Norges musikkhøgskole: 
Helga Myhr frå Torpo i Hallingdal - fele, dans, vokal
Ingeborg Ulberg Sommar frå Røros - fele
Torfinn Hofstad frå Verdal - fele

Frå Kenya kjem desse tre:
Faith Wangui – vokal, dans, gitar
Saumu Kazia – dans, trommer, vokal
Omari Mwatela Swaleh – perkusjon (sengenya, marimba, chapuo, kayamba, leg jingles)

Turleiar for talenta frå Kenya er Wakake Otieno, som tidlegare har delteke i talentprosjektet i Førde.

Dei tre deltakarane frå Malawi er:
Asante Maulidi - perkusjon, dans, vokal
Thokozani M¹doko - vokal, dans, perkusjon
Patrick Chimbewa - tsansi (mbira)

Kunstnarlege leiarar for Talent 2016 er Ivan Mazuze og Unni Løvlid. 

Tekst: Kamilla Mygland Storaker