Fem dansarar og fire musikarar formidlar eldgamal mytologi, gjennom dans og akrobatikk, levande musikk og vågale visuelle element. Dette er ei heilt ny og spektakulær framsyning for heile familien - i kjend Frikar-stil!. -Lytt til meg alle heilage slag. Slik startar medisinkvinna forteljinga si i diktet Voluspå. Alle er heilage, og alt heng i hop. Gjennom å lytte intenst til natur og kultur, ser ho kva som vil komme, og advarar oss om klimakrise, splitting og utestenging.  

Voluspå er eit av dei eldste og mest sentrale dikta i norrøn mytologi. Gjennom visdommen til ei spåkvinne - ei volve - fortel det om skapinga av verda, menneska sin lagnad og gudane. Diktet utforskar samanhengane i livet, kreftene i naturen og menneska sin plass i universet, og har vore ein viktig del av Norden sin kulturelle arv i over tusen år.   

Over tusen år seinare får dette gamle diktet nytt liv i danseframsyninga til FRIKAR. Musikarar og dansarar inviterer publikum inn i ei verd der folkedans, vikingbryting og gamle folkemusikkinstrument møter samtidskomposisjon og ny forsking. Hallgrim Hansegård let visdomen i diktet få utfalde seg gjennom kropp, rytme og lyd, og viser kva vi i dag kan lære av gamal  naturkunnskap.  

Original ide og konsept: Hallgrim Hansegård 

Koreografi, scenografi og musikk: Hallgrim Hansegård. 

Medskapande dansarar: Julianne Solli, Jon Filip Fahlstrøm, Marnie Fiebig, Naomi Bratthammer, Mathias Engelstad. 

Medskapande musikarar: Synnøve Brøndbo Plassen, Esther Thunander, Jacob Hee Lund, Bjarne Kvinnsland. 

Lyddesign: Bjarne Kvinnsland 

Figurmaker og instruksjon figur-føring: Pascale Blaison 

Kostymedesign: Line Maher 

Lysdesign: Gard Gitlestad 

Produsent: Kirsti Buchanan Ulvestad 

Med-produsentar: Bærum Kulturhus - Dans Sørøst-Norge, Figurteatret i Nordland, Sprang - landsdelsscene for dans, Fjelldansen og Talentprogrammet FRIKAR X. 

Produksjonen er støttet av Kulturdirektoratet v/Norsk Kulturråd, Regionalt kulturfond - Innlandet, Sparebankstiftelsen DNB, Talent Norge, Innlandet fylkeskommune.