Folksomt - Norge
“Publikum vert inviterte inn, enten du er ein erfaren folkedansar, fridansande sjel eller ein nikkande klubbromantikar.”
FOLKSOMT – techno kolliderer med norsk folkemusikk
Musikkollektivet Folksomt smeltar saman det eldgamle og det elektriske og lagar klubbfolkemusikk.
Norsk folkemusikk bærer med seg ei rik historie av klangar og forteljingar som har vorte formidla gjennom generasjonar. Techno og elektronika representerer eit globalt spark for moderne uttrykk, med sitt fokus på rytme, tekstur og energi. Folksomt er ein kombinasjon.
Hardingfele og munnharpe svevar over djupe basslinjer, folkesongen får ei ny drakt av beats og klangar som løftar og dreg. Rytmane frå springar, halling og reinlender bankar framleis under huda og resultatet er svært dansbart og drøymande. Publikum vert inviterte inn, enten du er ein erfaren folkedansar, fridansande sjel eller ein nikkande klubbromantikar.
Jonas Særsten - synth og trommemaskin
Lovise Espeland - vokal
Johanna Seim - hardingfele
Gaute Ullestad Moen - perkusjon og munnharpe
Jonathan Krabbe - gitar
Folksomt slepper debutplata på Ta:lik Records 8. mai.