I samarbeid med Sogn og Fjordane Kunstmuseum inviterer vi born og unge til å lage kunst inspirert av årets festivalutstillar, Linda Soh Trengereid. I landskapsmåleria hennar er naturen ein levande, pulserande organisme – som talar eit universelt og evig språk. Ho teiknar detaljerte skoglandskap med kol og fargelegg med å sprute på måling til slutt. 

På verkstaden får borna lage sitt eige bilde, inspirert av metoden til Linda. Vi brukar først projektor for å teikne av motivet, med kol som teiknereiskap. Deretter fargelegg vi bildet med sprutmåling. Bli med å lage kolteikning med fargesprut - akkurat som festivalutstillar Linda Soh Trengereid! 

Passar best for born i skulealder og oppover i samarbeid med ein vaksen. Ein føresett kan følgje gratis.