Columbi Egg

Kvart år kjem Gabriel Fliflet til festivalen med klubben sin, og kvart år er han like spent på kven han skal få høve til å presentere og eventuelt spele med på Columbi Egg-kvelden. Han syns jo alltid han får velje frå øvste hylle, og sånn også i år når gjestelista ser slik ut: Johan Hedin og Ida Meidell, den meisterlege svenske duoen som gjev oss gåsehud med sin gamle svenske folkemusikk. Frå Danmark kjem kvartetten Basco, med friske nordiske-inspirerte keltiske tonar - eller var det omvendt? Og frå Irland får han i år besøk av The Friel Sisters, med søskentett samspel.

Og dei som veit dei veit, at gjestelista kan bli lenger.. og at jam kan forekomme, og høgst truleg vil forekomme også i år!