TAUS | Noreg

Taus.
Taus er den som teier.
Qui tacet consentire videtur.
 
Den største hemmelegheita skulle vere den best bevarte. Men inni ropar noko som vil ut. Noko som har vore stengt inne altfor lenge. Når det først brest, slepper det fram: monster, brennande fuglar, hyl, sinne – ein kakofoni av stemmer. Fasaden er i oppløysing. Sprekkane slår djupt.
 
Så står dei der.
Ser på kvarandre.
Ser inn i kvarandre.
Er kvarandre.
 
Er det deg eg har leita etter?
 
I Taus får publikum tre inn i eit indre arbeid i rørsle. På leiting etter ein måte å leve vidare, opnar det seg rom der det som ein gong vart stengt inne, får sleppe fram. Ein får bli med inn i dei inste avkrokane, der det blir kasta lys over det som ikkje får ord, men som likevel finst.

Taus er ei framsyning om det som ikkje let seg seie, men som likevel formar eit menneske. Av det som lever vidare i kroppen og av det som kan tre fram når noko får sleppe til.

Medverkande:

Idé, tekst og medskapande utøvar: Brigitte Blomlie

Regi og koreografi: Silje Onstad Hålien

Dramaturgi, tekst og lysdesign: Yasin Gyltepe

Komponist og utøvar: Thomas Eriksson

Medskapande utøvarar: Silje Risdal Liahagen, Sondre Meisfjord

Kostyme og Scenografi: Martin Skogli og Marita Solhjell Ølander

Kunstnarleg produsent: Rannveig Øygardslia

Produsert av Mamelukk med Førdefestivalen, Riksscenen og Sprang som co-produsentar,

Støtta av: Kulturdirektoratet, Fritt Ord, Valdresmusea