Olav Torget | Noreg
«Uansett hvor gitaristen Olav Torget dukker opp, så er det garantert med originale toneganger.»
Gitarist og ngonispelar med unik spelestil
Gitaristen, ngonispelaren, komponisten og produsenten Olav Torget, som no også er universitetslektor ved Norges Musikkhøgskole, har ein unik og kreativ spelestil. Stilen er utvikla gjennom mangeårige samarbeid mellom anna med mange afrikanske musikarar og lange musikkopphald på det afrikanske kontinentet. Du finn han i trioen Assû, saman med Ulla Pirttijärvi og Kenneth Ekornes, og med sistnemnde spelar han også i fast i bandet til Kristin Asbjørnsen.
Olav Torget arbeidde lenge med koraspelaren Solo Cissokho, som døydde i 2017. I 2025 gav han ut plata Solo, med opptak han gjorde med Solo Cissokho i Sofienberg kyrkje i 2003, som ikkje var publiserte før. På Førdefestivalen dukkar Olav Torget opp som gjest på Seckou Keita sin jubileumskonsert. Keita er nevø av Solo Cissokho.