Tilbake til alle arrangementer
Stad: Storsalen, Førdehuset
Instruktørar: Dansarar frå Indre Sunnfjord spelemannslag
Her kan du kome utan verken pengar eller partnar - berre med danselyst og dansesko!
Så hiv deg med og lær nokre grunnleggande dansesteg og vendingar i Jølstraspringaren – dansen som målaren Nikolai Astrup har skildra i mange av måleria sine, og som han og kona Engel gjerne såg vart instruert i og dansa i heimen sin, Astruptunet.
Og nei – det er ikkje så vanskeleg – det er nok enklare enn du kanskje trur! Vi ynskjer at du skal få kjenne på dansegleda ved å bli med på dansegolvet under festivalen, og vi garanterer bruksverdi etter ein time saman med medlemmer i Indre Sunnfjord spelemannslag.