Calabash Tales er ei varm og nær framsyning som passar for heile familien. Solo, Bafana og Sarjo kjem frå Burkina Faso, Sør-Afrika og Gambia, men har alle budd lenge i Noreg. Denne fine trioen tek publikum med inn i den vest-afrikanske griot-tradisjonen, der historier, musikk og rytme går i arv gjennom generasjonar. Trioen trakterer afrikanske tradisjonsinstrument som ngoni, djembe og calabash, og formidlar morosame og tankevekkande historier om venskap, mot og fellesskap.  

Calabash Tales er ein del av arrangementet UT PÅ TUR ALDRI SUR som skjer i samarbeid med Sunnfjord Museum. Arrangementet startar med ein tur på den fine Mostien ved museet. Vi går saman frå parkeringsplassen opp til støylen, der du får høyre om støylsliv i gamle dagar. Etterpå går turen til Sersjantløa og framsyninga Calabash Tales. Framsyninga er på norsk.

Solo Diarra – djembe, kora, ngoni, calabash

Bafana Nhlapo – vokal, perkusjon

Sarjo Sankareh - dans