Madam Jam
Grensesprengande norsk runddansmusikk
Med banebrytande runddansmusikk har Madam Jam på svært kort tid engasjert eit heilt folkemusikkmiljø. Er vi vitne til ei ny gammaldansbølge?Dei sju musikarane i Madam Jam har vekt mykje åtgaum etter at dei lanserte debutalbumet «van danse» sommaren 2023. Fengjande melodiar, frekke rytmar i gitar og banjo og krutsterk danseappell er nokon av grunnane til det. Sjølv om hjarta ligg den tradisjonelle runddansmusikken nær, er ikkje Madam Jam redde for å leggje til nye musikalske element i sjangeren. Og målet for gruppa er alltid å skape god stemning og danseglede!
Madam Jam sitt debutalbum vart heidra med Folkelarmprisen i kategorien Dansespel i 2023.
Steinar Odde – banjo, dobro, hardingfele
Pål Bratås – durspel, trekkspel
Øyvind Sandum – durspel, trekkspel
Gro Visdal – kontrabass
Johanne Mjøs - fele (vikar for Bjørn Kåre Odde)
Kristen Bratås - gitar
Geir Byre – gitar