Lendmenn
Foto: Johannes Selvaag
Lendmenn er ei gammaldansgruppe frå Ottadalen som gjennom fleire år har etablert seg som ei av landets beste grupper i sin sjanger. Etter å ha spelt gruppespelfinale på Landsfestivalen i gammaldansmusikk kvart år sidan 2010, gjekk dei i 2017 heilt til topps, og sikra seg dermed speleoppdrag på Førdefestivalen i 2018. Det same skjedde året etter, så no er dei tilbake med den heilstøypte dansemusikken sin.
Lendmenn vart starta i 2005, og har lagt seg på ei ungdommeleg og utovervend linje i spelet sitt. Repertoaret er tufta på musikk etter lokale spelmenn frå Ottadalen og elles i Gudbrandsdalen, men dei tek og i bruk leikar frå andre område i landet. I tillegg har Øyvind laga fleire melodiar som Lendmenn har teke i bruk og som har vorte godt motteke av publikum.
BJØRN KÅRE BRÅTEN ODDE - fele
STEINAR ODDE - gitar
MADS ERIK ODDE - trekkspel
BJARNE ODDE - kontrabass
ØYVIND SANDUM - trekkspel
