Back to All Events

Geitejazz (4-10 år)

  • EVENTYRROMMET, 2. etasje - Førdehuset 5 Angedalsvegen Førde, Sogn og Fjordane, 6800 Norway (map)
geitejazz.jpeg

Framsyninga varer i 35 min. og vert vist to gonger - kl. 12.30 og kl. 14.00.

Sogn og Fjordane Teater og Førde kulturskule vil gjerne invitere dei minste til å vere med på å lage ein jassa versjon av eventyret «Ulven og dei sju geitekillingane». 

I eventyret må geitemamma etterlate dei sju killingane heime for å gå ut og leite etter mat. Ho gir killingane streng beskjed om at dei ikkje må opne døra for ulven, og dei gjer så godt dei kan, men ulven kan triks som ein må ha levd i fleire geitår for å kunne avsløre. Han et krit for å gjere stemma mildare, og han drysser mjøl på dei svarte labbane. Klarer han til slutt å setje tennene i det møre kjøtet deira...? 

Ungar og jazzmusikarar har det til felles at dei likar å improvisere og utforske ytterkantane av kva som er mogleg å få til. Distriktsmusikar Jacob Wyrtz og skodespelar Idun Losnegård elskar å lage lyd saman med born. Dei bygger opp forteljinga med improviserte jazzrytmer og musikalske kollbøtter, men er heilt avhengige av hjelp frå dei minste til å skape den riktige grooven: lyden av det bankande hjartet til killingen som gøymer seg i klokkeskåpet, uvêret som bryt laust når ulven plutseleg står midt på stovegolvet.

Jazzmusikken skaper ei berg-og-dal-bane av stille spenning og hoppande glede som det unge publikummet kjem til å digge. 

Framsyninga blir vist i Eventyrrommet, ungane si eiga scene. Vaksne kan også få lov å komme. Viss dei oppfører seg. 

Passar for 4-10 år.

Framsyninga varer i 35 min. og vert vist to gonger - kl. 12.30 og kl. 14.00.


Alle verkstadane er gratis, og det er inga påmelding. Berre møt opp ved den verkstaden du vil vere med på. 

  • Første verkstad byrjar kl. 12.00.

  • Kvar verkstad varer i ca 20 minutt.

  • Verkstaden går ca. 2 gonger pr time (bortsett frå den timen det vert lagt inn lunsjpause)

  • Ny verkstad byrjar etter ein liten pause.

  • Ei klokke utanfor verkstaden viser når neste startar.

  • Ein verkstad-vert passar på. Snakk med ho/han om du lurer på noko.