KROKE

Foto: Jacek Dylag

Foto: Jacek Dylag

 

Gjensyn med polske legender

Frå det heile starta, var ideen at dei ville finne noko nytt, også i seg sjølv. Musikarane innrømmer at det dei eigentleg ville, var at musikken deira skulle bli kalla KROKE-musikk. I byrjinga var trioen først og fremst knytt til klezmermusikk, medan dagens versjon er meir inspirert av eigen improvisasjon rundt etnisk musikk. På denne måten har dei skapt sin eigen stil som kryssar dei fleste grenser, i tid som i form, noko publikum rundt om på kloden set stor pris på - også andre musikarar.

Internasjonal drahjelp fekk dei då Steven Spielberg kom i kontakt med - og vart fan av - KROKE under innspeling av storfilmen Schindlers Liste. Spielberg inviterte dei til Jerusalem for å spele på ei stor minnemarkering over dei som overlevde krigen. Takka vere Peter Gabriel vart dei inviterte til WOMAD-festivalen i Storbritannia. KROKE sin «The Secrets of The Life Tree» vart brukt på David Lynch sin film Inland Empire, og møtet mellom KROKE og Nigel Kennedy resulterte i plata ‘East Meets East’. I seinare år har bandet også samarbeidd med Anna Maria Jopek, Edyta Geppert, Maja Sikorowska, Krzysztof Herdzin, norske Tindra, den spanske fiolinisten Diego Galaz, den mongolske songaren Urna Chahar-Tugchi og Sinfonietta Cracovia Orchestra, og heile vegen har dei spelt på dei mest prestisjefyllte musikkfestivalane rundt i heile verda.

Tomasz Kukurba – viola

Jerzy Bawoł – trekkspel

Tomasz Lato – kontrabass

 
 
PolenTorill Faleide